’t Twents volkslied

’t TWENTS VOLKSLEED*

Doar lig tuss’n Deenkel en Regge ’n laand
Oons mooie en nijvere Twente
’t Laand van textiel en ’t laand van d’n es
Den greun is in weenter en lente.
Met zommers  ’t mais op het laand in de weend
Geet ’t rad van de möl in de bekke gezweend
Doar steet noast den eek ok ne beuk en ne dan
Dat is oons zo leeve land Twente


Woar Twickel zien’ toorns oet ’t eekenloof buurt
Oatmaske zien barge dut blinken
’n Boak’n in de boerschop op poas’n nog braandt
Met kasmis den hoorn nog löt klink’n
Doar kronkelt de bekke zo mooi deur ’t laand
Duur weide, duur buske en duur’t Buurserzaand
Hier waandelt wie geerne duur’t bos en de hei
Geniet wie van oons mooie Twente

De rookwolken daampt an de horizon op
Doar li’jt oonze greu-iende steeden
Doar dreait de mesien’n en doar hew oons vetier
das Twente zien krachtige heeden
Um ’n heerd in de boerschop as’t groezelt op ’t veald
Doar wodt nog van vrooger de sagen verteld
Doar goat de verhaal’n van Hutt’n-kloas in ’t roond
Verleden noast heden van Twente

En hew mangs van doon um oet Twente te goan
Wie blieft an oons Tukkerlaand deankn
Gin andere laandstreek, ho mooi offe is
Kan ’t zelfde as Twente oons scheankn
Wie doot in den vrömd’n mekaander de haand
En proat met mekaa in de sproak van ons laand
Al rookt oonzn schossteen bie ’t volk oaver zee
Oons hart blif toch aaltied in Twente

*  Dialectversie van ’t Noll’nkoor 

    in 2010 op CD uitgebracht samen met Ben Steneker

    (“Twente CD” met Hart van Twente en bovenstaand Twents volksleed) 

 

  1 comment for “’t Twents volkslied

  1. Ernst Asveld
    8 juli 2020 at 16:38

    Het officiële Twentse Volkslied is van J.J. van Deinse. De tekst is in het Nederlands en in het Twents.
    Hier de tekst in het Twents:

    TWENTS VOLKSLEED

    Doar lig tusschen Deenkel en Regge n laand
    Oons mooie en nerige Twente
    t Laand van t weark en t laand van natuur
    Wie priest doarum steurig oons Twente
    Doar zee’j op de esschen de rowwe nog stoan
    döt stearkströmend bekske t möllenrad goan
    Doar lig nog t heed in t pearsrode kleed
    Dat is oons zoo leeflike Twente (2x)

    Woar Twickel zien teurn oet t ekenloof stek
    De Lutte zien bearge löt bleenken
    Woar‘w boakens zeet braanden in boerschop en stad
    Den hoorn um mirweenter loat kleenken
    Doar kroonkelt de Deenkel nog aait duur t laand
    Duur bussche en veald langs t Losserse zaand
    Doar röst der oons oog vanof boavn op den bearg
    Op t vreadige laandschop oons Twente (2x)

    Den rook van t fabriek kö’j van wiedten a zeen
    Den wis oons t levrige leaven
    Met leu, dee wilt wearken en degelik zint
    Dee pielers, dee steun oons hebt geaven
    Mear boeten in de boerschop op heed en in t veald
    Doar wördt nog van vroger en speuke verteald
    Doar röst de Tubanter in t eeuwige graf
    t Oalde nöast nieje van Twente (2x)

    En brech oons ’t lot ok oet Twente mangs vot,
    Wie bliewt der toch aaltied an deanken
    Gen aandere laandstrek hoo mooi ze ok is
    Kan ’t zölfde as Twente oons scheanken
    Wie doot aanderwegns mekaander de haand
    Gedeankt dan oons klean mear zo leeflike laand
    En zal der oons hoes in den vrömde ok stoan
    Oons herte blif aaltied in Twente (2x)

    J.J. van Deinse 1926

Geef een reactie

Het e-mailadres wordt niet gepubliceerd. Vereiste velden zijn gemarkeerd met *